Malaysia ahChinmi thahnawnnaka chuak timi biahla theih hi a tlawm ti loh. Tutan zong ah thahnawnnak rapthlak taktakmi a chuak tthan.
Malaysia ah khuasami Pu Thang Suan Zam cu a nupi hen December thla ni 25 ni ah fak tuk in isiknak an ngei I pakhat le pakhat an thin a han tuk. Pu Thang Suan Zam nih cun a nupi cu nam in thah a timh. Cu tik ah an sin ah a ummi Pi Ngin Kheng Niang cu Pu Thang Suan Zam te nupa buainak cu a zoh khawh hna lo caah a tthen hna I a mah zong hliam a tuar ve ngaingai.
Pu Thang Suan Zam nih a nupi a thah timhmi cu a rak khamnak ah an nu tut hah loin a rak khamtu Pi Ngin Kheng niang tucu thah a si. Thilcang a rak hmutu pawngkam nih Malaysia Palik cu a rannak in rak chuah hnawh ding ah phone in an chonh hna. Pu Thang Suan Zam cu a tlik manh hlan ah Palik nih cun an tleih manh. A thimi Pi Ngin Kheng Niang cu kum 47 a si I Pu Thang Suan Zam nupi he chungkhat an si. Chinram ah a umnak khua cu Kaizang khua a si.
