Lahnin Heb timi nih video bakin a chimmi hi ruah len awk tlak cu si bak ko. An biachimmi ngaih tikah mi pakhat he bia an i ruah timi fianghlang tein hngalh khawh asi. A biaruah tti hawi pa zong hi a biachim ngaih tikah CNF hi a doh bak ve timi hngalh khawh a si.
Cucaah CNF kong chim tikah an tthatnak zong chim caan um lai i, an tlamtlin lonak chim caan zong cu um ve lai. Hihi i huat ruang ah si loh. Cucu CNF an tlamtlinlonak chim tikah mihrut he cu e kha e ti hna ding an si lem loh. Criticize tuahnak nawl cu Chinmi an si ahcun an ngei ve.
Tutan Lahnin Hebrew nih a chimmi cu CNA cu ka doh in ka soisel hna lo. CNF hi san an tlai lo tuk. Anmah hnu piah AA cu an dir nain Thun Myat Naing a felfai le tu ahcun an tthawng tuk ko. Cucaah Solomon Than Ding le Pu Zing Cung zong hi iphuak cang hna sehlaw ttha.
Solomon Than Ding nih le a nupi le afale cu Aizawl ah a chiah huar hna. Pu Zing Cung nih le USA ram ah ai chawk vak huar ko. Sizungzi kan tuah an ti. A dik nain zeihmanh an hluh chuahmi um hlei. A ngaite tiah cun kan ram ah um ning law CNA ahhin ka lut ve ko lai.
Ka hua naisai lo. Nai ah CNA kan thazaang der tuk. Meithal cawknak zong kan ngei lo an ti. Mizapi nih an ngaihchiat pi ngai hna. Kei cu ka thinhung tuk. Ziah kha hlan vialte kan bawmhnak hna kha teh khua zei ahdah an hman dih kun tiah a ti hna. Video Link
