Tulio kan chin ram chung ah kahdohnak thawngpang tete a tu le tu in a thang lengmang cang. CDM ah lut duhlo in ralhrang pawl lei ah a ttang mi pawl caah cun thinphang dailo a sic ang.
The Hakha Times nih a langhter ning ahcun tuni May 12 suimilam 1:00pm tluk hrawng ah khan Hniarlawn Khua um 2020 thimnak ah USDP party in aa cuh mi Pu Phir Mawng inn bomb a puak.
2021 May 12 zinglei suimilaam 1:00 hrawng ah Hniarlawn khua um 2020 thimnak ah USDP party in Hakha Peng ah MP aa cuh mi Pu Phir Mawng inn cu aho si ti hngalh lo mi nih bomb in an puah i, a chungkhar cu an him nain amah Pu Phir Mawng belte tlawmpal aa hliam pah tiah kan theih.
An inn lo zong tlawmpal a rawk pah nain tangka in zeizat man hrawng dah a rawk ti cu fiang in theih a si lo.
Pu Phir Mawng nih ” Ka cal hmun hnih a pem I a dang cu aa hliam mi an um lo nain Motor pakhat thlalang a kuai dih, cun Motorcycle pahnih aa rawk “tiah Phir Maung nih CBN ah a chim. Crd: The Hakha Times
