Zeiruangah dah KNU ralkap pawl hi khi ti lawmman i an rak tthawnnak cu, hriamnam an neih tthat hlei ah training an rak tuah ning hrim khi khuaruahhar an rak si. KNU ralkap nih ralhrang pawl an rak ambush hna ning cu ralhrang caah cun ttihnung taktak bak a si.
KNU/KNLA pawl biatak training an tuah nak video zoh cu lung a hmui kho tuk eh! Min Aung Hlaing hrim nih a hmuh ahcun a lungdong rup ko la. Zeitluk in dah an thawn tihmi cu ralhrang pawl he an i kahdoh nak khin hmuh khawh an si.
KNU , KNLA le ralhrang phu kar thla 4 chung ah kahdohnak voi (1391) a chuak i, ralhrang phu lei in minung (711) an thi, (741) leng nih hliam an tuar. Mah vialte kahdohnak chuak mi ah hin KNU/KNLA lei in cun a thi mi chim tlak lo te khi an si.
Kayin ramkulh KNU/KNLA brigade (5) hmunhma ah a luancia thla 4 chung ah kaphnih kar kahdohnak voi (1391) a chuak i, ralhrang phu lei in minung (711) an thi, minung (742) nih hliam an tuar nak konmg cu KNLA nih cathanh tiang an rak chuah.
Kan hnung zong ah Ralhrang phu lei in ralhrang motor(29) a rawk, cun rang (35) zong an thi tiah theih a si. Cu kahdohnak chung ah khuami mipi hna tel in KNU/KNLA lei in an dihlak minung 11 leng an nunnak a liam tiah theih a si.
May thla chung ah Thai-Myanmar ramri ah um mi ralhrang phu hna sakhan Taw-Lay-Tra sakhan tel in sakhan 3 cu an lak khawh hnu ah KNU Kayin thantar an tar mi cu Thai thawngzamh nak zong nih an langter. A tang ah hin KNU ralkap nih ralhrang pawl an rak ambush nak video ka thil chih rak zoh ve hmanh KNU hi cu ttih an rak nung bak ko.
