Kedanh Tthit In Chungkhar A Cawm Tu Chin Pa Interview An Tuahnak +VIDEO

Chinpyine nichuah lei kam um mi Tidim myo, Sakawlan an tihmi mipi an umkal cemnak mawtaw lam kam ah Kedanh tthi pa U Kam Liam Kam kum 66 RFA Burmese nih interview an tuahnak nihcun mipi lung nuam lo in a tuah dih hna.

U Kam Lian Kam nih interview an tuahnak ah a chim mi cu kedanh ka tthit nak hi kum 30 reng lo a si cang tiah a chim. Hi rian te hi hringtu ka pa nih a rak roh ta mi a si caah hmai lei zong ah ka ttuan peng rih ko lai tiah a chim.

Ka caan canceu tluk cu kedanh tthitnak in caan ka hmang tiah a chim. Kum 3 hrawng kedanh thit rian ka tuan hnuah Hpakanh suikhor cawhnak ah ka kal i ka rianttuan nak ah hlawhtlinnak ka hmuh khawh lo caah ka tlung tthan i mah hnu cun mah ka rian te hi kan peh tthan tiah a chim.

Ka chungkhar ka nupi fale cu mah ka rian te hi tuchunni tiang ka cawm peng ko hna tiah a chim. U Kam Lian Kam nih a chim mi cu fa panga nei mi ka si i hi kedanh tthit rian te hin ka nupi fale ka cawmken peng hna tiah a chim. Nikhat ah kedanh ka tthit mi in Kyat 10000 hrawng hi a hmuh tawn tiah a chim.

Covid-19 zawtnak chuak hnu in cun kedanh tthit awk a tlam ngai ngai caah kan chungkhar nih hasatnak fakpi kan tawng tiah a chim. Zawtnak chuah hnu ahcun nikhat thong 2000 lawng kan hmuh khawh caah chungkhar kan paw kan i cawm kho lo tiah a chim.

A chim than mi cu kedanh tthitnak dawr ka hlan nak ah hin thla khat ah kyat 10000 ka pek tian a chim. Ka fale cu rianttuan ding in an ngakchiat rih caah keimah lawng hi rianttuan mi kho mi kan si tiah a chim. Cozah nih Covid bomhnak an pek mi nih le kan dong ve fawn lo i kan harsa ngai ngai tiah a chim.

RFA Burmese nih an hal tthan mi cu hi na rianttuan te hi hmailei ah pehzulh in na ttuan peng lai maw tiah an hal, a lehmi hna cu aw ka ttuan peng ko lai, mah rian te hi ka pa nih aka roh ta mi rian a si caah ka ttuan khawh chung cu ka ttuan ko lai tiah a chim.

Video Link

 

Total Page Visits: 487 - Today Page Visits: 2

Leave a Reply

Your email address will not be published. Required fields are marked *