Kan Mizoram Chu Covid-19 Hhripui A Darh Ta Tak Tak e

Kan in dang hneh ta ngang lo anih tak ber hi..! Hripui leng chuan Zoram hmun tin a hawl țan ta a. Hnu chhui ngaihna awm tawh lo khawpin manganna chhumpui a zing țan ta. Thuawih hun dik tak a ni ta. A tir lama beihpui kan thlak ang khan, hengte hi lo hre teh khawngaihin.

Țul lo ah chuan leng chhuak reng reng suh. I in ah tawm ve hle hle la, loh theih loh a chhuah i țul anih pawhin hri kai miah lo turin in veng rawh. Țhenawm te lakah phungthluk hun a ni tawh lo. Tu vak mah in inleng an duh tawh lo aw. I țawng per thei si, i hmui kha tuam rawh. Mi sahdah dil leh kuhva theh in dil hun a ni tawh lo.

Punkhawm phal zat 35 pel tur programme duang suh. Ropuia lan tum hun a ni tawh lo. Sumdawng ho pawh hausak tum luatah i mihring pui te i hrai hlum vek thei. Buhfai, tel leh chi a awm chuan a bak chu kan dam tlan hunah aww.

I fimkhur duh loh avanga natna i kai hi, i damna senso atan sawrkar i phut leh si a nge. Reilote thuawih taka kan fimkhur hian, kan hnam dam khawchhuahna tur a hril asin. A huhova Pathian biak hun khar a ni a, mimal leh chhungkua a Pathian auh hun a ni ta zawk e.

Hla taka mi biak hun a ni a, mi zawng zawng erawh thinlung taka hmangaih hun a ni e. Mi chibai suh, mi hnaih lutukin awm lo la, i hmui tuam phui ang che. I kut fai takin sil la, i taksa ti hrisel turin uar takin sawizawi thin rawh. Thuawihna chiah hi kan damna tur a ni e. Lehkha ziaktu: P.CP.C. Vanneia

 

Total Page Visits: 395 - Today Page Visits: 1

Leave a Reply

Your email address will not be published. Required fields are marked *