Rallokap riantuan nak cu hnatlak pi in riantuan tu siangcachim Sayamah pakhat cu a va pa nih a then. Sagaing ramthen Kalaywah(ကေလးဝ) peng ah U Awng Myint nih ralhrang rallokap thazang pek le hna tlak in rian tuan mi, ralhrang rallokap kuttang fimcawn cu Lungtlin in rian tuan mi a nupi siangcachim cu a duh ti lo caah then nak ca cu a vapa nih a facebook ah tial in a langhter.
Cu a tial mi ca cu a tang ah kan van langhter lai. Ka nu pi na si nak in phungning teinthen nak cathanh. Kalaywah peng Sekyi khua (ဆည္ႀကီးရြာအုပ္စု) Kin khua ah a um mi U San Awng le Daw Sein Thay hna i an fanu Daw Thein Thein Myo (JAT, middle school) cu rallokap kuttang fimcawn nak thazaang pe in riantuan mi a si caah ka nu pi ding in ka cohlang kho ti lo .
Nu Le pa chungkhat hna nih rallokap unak cu hna tlak pi in an um nak ah bia phun tam pi in chim le fianter a si ko zong ah theihthiam lo in rallokap uk nak cu fek ten tlaih in lungtlinnak ngei mi a si caah keimah Awng Ko Myint nih Daw Thein Thein Myo cu ka nupi si nak in then nak kong cu ka langhter.
” Lungtling lo mi chungkhat rualchan hna nih tatte(သက္ေသ) tling te he taza zung ah fianter ding in theihternak ka tuah” tiah U Awng Ko Myint nih a face book ah tial in a langhter. Crd: The Chin Post
Relchap-Tuzan Hakha Khuapi Chung SAC Ralhrang Pawl An Cawlcangh Ning Cu Mipi I Ralrin Tak Tak A Hau
Hakha SAC Ralkap/Palik Cheukhat Uniform i Hruk loin Meithal he Mi Tlaihnak ah aa Telmi an Um. Hakha Khuathar ah SAC ralkap/palik nih mi an tlaih hna lio ah ralkap/palik thilthuam i hruk loin meithal aa kenmi pawl zong an i tel.
Nihin Khuathar, CB Bank thlang ah Paletwa lei mi minung 2 an tlaih hna. Tlaih a tongmi hna an min kan thei kho rih lo. Tuni Hakha ah SAC pawl cawlcangh ning cu lungfak tak tak a si.
Khuathar ah SAC Ralkap/Palik nih Minung an Tlaih Hna, Inn Pakhat Zong an Kulh. Hakha, Innwa Bank thlanglei, Third Line ah SAC ralkap le palik nih zanlei sml. 4:00 hrawng ah minung 3 hrawng an thlaih hna, tiah pawngkammi nih an chim.
Innwa Bank pawng motor lampi kam ah a ummi Lian Bik nu te inn zong ralkap le palik nih sml. 4:00 ah khan a kulh i innchung ah kawlhawlnak an tuah.
Khuathar mi pakhat nih, “An tlaihmi hna hi minung 2 an si rua ka ti. A dang pakhat hi cu an rak tlaih ciami a si i, mi kawlnak ah an rak i ratpimi si dawh a si,” tiah a chim.
