Kalaymyo ah covid zawtnak a thimi 136 an tling, zawtnak thar hmuhchap vima si

July 5th 2021: Nihin Kalaymyo ah covid in a thimi minung 27 an si i, July thla ni 1 in atu nihin ni 5 chung tiang a thimi dihlak minung 136 an si cang tiah Zalen nih a tial. Nihin Kalaymyo khuachung khrihfa thlan Doe Win Chaung ah ruak 14 bak ni nikhat ah an vuai liam hna e tiah theih a si. Lunghrinhnak ngeihmi mizaw a tam deuh cu an inn ah an i thlopbul hna i Thlopbulnak Centre phan loin a thimi cazin belte theih khawh a si rih lo.

Cu pin rih ah, khuate lei ah a thimi hna zong cazin fianghlang in theih a um kho taktak rih lo. Kalaymyo Sipin Area, Doe Win Chaung thlanhmun leng pinah, adang Hlaing Thaya, Monhta, Myohla le Myotha thlanhmun chung lawng in a si.

Kalaymyo, covid 19 mithi an vuai lio

Nihin July ni 5 Chin ramkulh Covid 19 zawtnak update: Kalaymyo khua T&T Covid 19 Center ah an test-mi dihlak minung 64 chungah zawtnak ngei (positive) mi – 14 an hmuh hna i, nihin ah a thimi dihlakte minung 27 an si.

Kalaymyo covid19 thi mi vuai lio hmanthlak

Nihin Hakha ah minung 91 an chekmi chungin zawtnak ngei positive-mi 30 hmuh chap asi, Falam ah aa chekmi dihlak minung 75 chungah minung 35 an positive, Tonzang ahhin minung 33 test-mi chungin positive mi 9 an hmuh i a thimi pakhat le damcangmi 6 an si. Rihkhuadar minung 33 an test hna i pasarih an positive, Tedim dihlak test-mi 28 an si i positive panga hmuh an si. Crd. Zalen

Total Page Visits: 629 - Today Page Visits: 1

Leave a Reply

Your email address will not be published. Required fields are marked *