Nizan may 12 zinglei suimilam 3:00am hrawng ah khan kawl rallokap pawl nih an nau le eidin awk va pe ding in mawtaw nganpi he a kal mi hna cu KIA ralkap nih an rak kah hna i an thilri vialte an chuh dih hna.
KIA ralkap hna nih kawl rallokap pawl nih an hawile rawl eidin awk pe ding in an kal i Zin-kham an tihmi hlei in an rak rat cuahmah lio bak ah KIA nih an rak kah hna hi a si. An phurhmi thilri a dihlak bak in an lak piak dih hna.
Mawtaw pathum bak nih an phurhmi eidin vialte cu a dihlak te bak in an lak piak dih hna, cu an lak piak mi thilri pawl hna cu facang bag 170, chiti, ngapih, kalape, cini, nuhsibu le ngachoh pawl an si.
Mah lawng hmanh si lo in kawl rallokap nih datsi an phurhnak mawtaw tiang in KIA nih nizan zing suimilam 10:15am hrawng ah an rak kah piak hna tiah theih a si.
Relchap- Tuni Cu Ramchung Ramleng Chinmi/ Laimi Kan Mithli Tlak Ni A Si. Zeitik Hmanh Philh Khawh Si Ti Lai Lo. Hakha SAC Palik Tlaihmi Pa Khamh Bawi a Nunnak a Liam. Hakha SAC palik nih May 9, zinglei sml. 9:00 hrawng ah Hakha khuathar ah an rak tlaihmi Pa Khamh Bawi (kum 27) cu May 11 ah a nunnak a liam ve, tiah thawng kan theih.
Pa Khamh Bawi le Pu Tler Ling hi May 9 ah an tlaih hna i May 11 ah Kalay ralkap sizung ah thlop ding in ralkap nih an kalpi hna i an pahnih in an nunnak a liam. Hakha ah tlaih a tongmi hna kong a tawlreltu pastor pakhat nih, “Atute bak kha Rungtlang ralbawi (Byu-ha-hmu thar) nih phone a rak kan chonh. A thimi Bawia timi hi Pa Khamh Bawi a si ko a kan ti.
Cuap zawtnak in a thi timi fianternak siizung catlap zong kan ngei ko a kan ti,” tiah The Chin Journal ah a chim. Pa Khamh Bawi ruak cu Pu Tler Ling ruak he Kalaymyo ah hmun khat ah an khangh tti hna. Pa Khamh Bawi hi Thantlang peng, Thangzang khuami a si i, fa pahnih a ngeih hnu ah a nupi he aa tthenmi an si.
Hakha khuathar i Pi Hnem Zing inn ah aa thum i May 9 zinglei ah palik nih an tlaih lio ah Pi Hnem Zing innchung thilri zong an lehpiak dih hna. Asinain, Pi Hnem Zing inn ah hin Pa Khamh Bawi he aa pehtlaimi phungning lo thilri SAC palik nih an hmuhmi a um lo, tiah kan theih. Crd: CBN
