Falam khua ah Myone Sipin Bawi minung (3) sin in covid zawtnak hrik an hmuh tiin thawngpang theih a si. Cu minung paathum lak in zawtnak hrik an hmuhmi pakhat cu zahan Falam innkangh lio ah bawmchantu ah a va kal ve.
Zawtnak a ngeimi hi pathum hi Tidim in a rak tlung I positive a simi, Falam ngandamnak lei zung ah bawi a simi he Independence Day lio ah hmunkhat ah hla a sa timi an si.
Hi kong he pehtaliin Falam Siizung uktu Dr. Tluang Cung Thang nih cun “ nizan ah siizung riantuanpa cu zawtnak hrik hmuh a si. A mah he contact aa tuahmi vialte hlathlai dih an si. Hi hawikom 3 he hin hmunkhat ah hla an sa. Midang he zong hmunkhat ah Golf an tut ii ko hna nain midang tucu negative an si hna.
Hla hmunkhat ah a stimi lawng positive an si. Zawtnak hrik kan hmuhmi hna chung in meikanghnak hmun ah a kalmi pakhat a um. Asinain thinphan thlalau tuk ding cu a si lai loh. Neihniam tukin tonghthamnak zong an ngei lai loh. Zeiruang ah dah Q ah kan chiah hna lo tic un naite taktak lanwg in contact paohpaoh checknak kan ngeih hna caah a si. Ralrin pek kan duhmi hna cu Biakinn nan I pumh ti I Micro Mic nan hman tik ah I ralring cio uh. Mic khan an tleih hlan le nan tleih dih hnu ah nan kut I tawl uh” tiin a chim.
