1948 ri in kan rak thlau sualmi Chin miphun COVO le ZALAWNNAK hmuh tthannak ding caah, Myanmar Ram, Federal Democracy Cozah thar, NUG ah nanmah pahnih kher te cabinet level ah nan itel hi Parthian thimmi/remruatmi a si lai tiah zumhnak ka ngei i Ka lawm taktak.
Dr LHS nih Federal Affair Minister a tlaih lai i, Dr Sasa hi NUG spokesperson le international corporation minister a tlaih lai tiah hngalh a si. An tleihmi position hrim hi NUG Cozah a nun lamtluang nakah biapi taktak a si fawn.
National Unity Government thar ah kan Chin miphun chungin nanmah pa (2) nih cabinet rian lian pi nan liang cungah an in khinh hna tikah kan in lawmh pi hna.
Ka ngakchia lio tein kawl ralkap an tuah sernak a that lo zia ka theih peng.Hi ruangah ka nu le pa nih Mizoram ah khua a kan sak pi. Ka nu nih India ram ah a kan liam tak i ka pa zong a tar cang. Na tuh mi na zun lai timi Baibal a zummi kan si. Ziah kawl ralkap hi an tuh mi atutiang an zun hnga lo?
An tuh mi zun ter dingah rian khinh nan si cang hi mu. Mipi ruah channak cu nan cungah aa fut cang hi mu. Nan raltha ko seh! Ralthat hi chawnh khawhmi zawtnak bantuk a si. Nan ral that cun hruaimi zong kan ral tha ve lai. Pathian zong nih mi ralchia cu a hmang hna lo khah! Nan miphun hawi nih nan hnu lei he nan siar lei he kan in dir pi peng ko hna. Kan tei lai!
