Chin ramkulh le Sagaing Division Pengkulh Kalaymyo ah Covid zawtnak ruangah January thla in July ni 6 tiang thla sarih chungah Pathian riantuantu minung 60 an thi cang. Hi ti covid zawtnak in a thimi hna hi Chin miphun chungin Pastor riantuantu hna le Catholic Father hna an si tiah International Chin Chin Christian Minister Fellowship (ICCMF) cazin ning in thawng theih a si.
Covid zawtnak in July thla chungah khan Pathian riantuantu Reverend le Pastor, le Catholic saya an dihlak minung 48 an thi i, July ni 1 in 6 tiangah minung 9 le January le February le April thla chungah pakhat cio an thi hna i, an dihlak a thimi hi minung 60 an si.
Nizan tiang Chin ramkulh covid zawtnak an hmuhmi dihlak minung 1500 hrawng an ti cang i a thimi hi minung 70 leng an tling cang fawn tiah RFA nih a tial.
Sagaing Pengkulh, Kalaymyo ahcun Covid zawt ruangah June le July thla chungah minung 500 lengkai an thi manh, nizan July ni 6 nikhat chung lawng bak ah a thimi minung 40 an um tiah Kalaymyo ummi pakhat nih a chim.
