RFA nih a tialning tein Myanmar ramchung ah ramkulh sifak bikmi pakhat Chin ramkulh, Tedim, Tonzang, Falam, Hakha le Thantlang khua hna ah July 3 tiangah Covid 19 zawtnak ngei tiah fehter cangmi minung 1000 lengkai an um cang i minung 74 leng nih an thihpi cang tiah a tial.
Kawlram chungah covid avoi thum tilet (second wave) a hung chuah ri May thla in atu July thla thawk tiangah Chinram chungah covid 19 in minung 74 an thi cang tiah a hmunhma um zawtnak a zohkhentu le bawmchantu phu hna cazin ning in theih a si.
July 5th 2021: Hakha ah COVID-19 mizaw 30 an i chap than tiah the Chin Journal nih a tialmi in thawng theih a si than. Nihin Carson Hall, City Hall le Nunu Hall (GTI) ah minung 91 an check hna i, minung 30 sin in COVID-19 zawtnak an hmuh. Zawtnak an hmuhmi hna umnak sang cu: Dawrhlun – 1, Pyidawtha – 9, Dawrthar – 16, Khuathar – 2, မီးသတ်စခန်း – 2 an si. Crd. RFA, the Chin Journal
