Nai hrawng Mizoram online cungah a linsa ngai mi thawngpang cu kan theih dih cio bang in Champhai Bethel Sang Adventist Biak inn hrawk a si nak kongkau a si. Minung tampi nih mah thawngpang an theih cu holh dawhcah taktak tiang in comment a petu minung tampi an um manh tiah theih a si.
Thawngpang an vun hlat lengmang i Biak inn hrawk tu a minung an vun theih cu comment nak ah an thinhang ning bang in a rak si lo. Champhai Bethel Sang Adventist Biak inn hrawk tu minung hna cu kum tling rih lo mi nu nghakchia pahnih an rak si tiah palik nih an chim. Kum 8 le kum 7 nu nghakchia te lawng an rak si tiah theih an si.
Mah nu nghakchia hna pahnih cu hringtu an nu nih a rak thih tak hna i hringtu an pa le he khuasa mi an s ii, hringtu an pa cu Aizawl leiah Motor mawngh in khuasa mi a si caah hringtu an pa i a pa le an pi le pu hna sin ah khuasa in a um mi an si tiah theih an si. Mah hna nghakchia pahnih nihcun Biak inn thilri kan hrawh ti hmanh nghal lo in heh tiah cawte dehnak ah an rak hman mi tu khi a rak si.
Mah hna unau pahnih cu Home ah chiah ding in tawlrelnak an tuah piak hna. Mah kawnglam a theinghal tu minung nihcun Home ah chia lo in an pi le pu nih biatak tein chimhrin/ cawnpiaknak nei hna sehlaw an ttha ko lai tiah a tu mi tampi an um ve. Mi tampi nih direct i Home chiah ding in an tawlrel kawngkau ah tawlrel tu an soisel ngai ngai hna.
