Vaurawng-CDF Paih” caah Salai Biak Hmun Sang nih Rung Lian Ceu a zuam cawhnak $5000 cu Varawng-CDF Paih, Secretary Salai Tial Sang sinah a rak ap cang.
“Vaurawng-CDF Paih”August 21, 2021 chun suimilam 12:00pm in 9:00PM ah a si lai tiah theih a si i, Indianapolis Chin Baptist Church (ICBC) 8528 Madison Ave, Indianapolis, IN 46227
Relchap- Falam Peng ah SAC Ralrang nih Nu Pathum an Kah hna, Pakhat a Nunnak a Liam
Nihin (August 10) zinglei ah Falam le Tlangrawn khua karlak ah SAC ralhrang nih naupawi nu a phormi motorcycle an kah caah naupawi nu cu a phei ah hliamhma a pu, tiah Chin National Organization (CNO) nih thawngpang an chuah.
A phei ah an kahmi naupawi nu hi Falam sikhaan ah aa piah i an tlun lei ah atu bantuk hin SAC ralhrang nih an kah hna hi a si. Amah a phortu pa zong SAC ralhrang nih an tlaih.
Cun, Lungpi khua, Lungrang sang ah SAC ralhrang nih meithal kahthlok in an kah ruang ah innchung ah ummi nutung pakhat a ttaang ah meithal kuan nih a khen i a nunnak a liam.
Zalai khuate zong ah inntang ah thinphang thlalau in aa thupmi tarnu cu SAC ralhrang nih an kah i, a thih le a nun lai fiang in theih a si lo. Zualhma hliam a pu. Nizaan August 9 thawk khan SAC ralhrang nih Falam peng Lungpi khua ah aruang um loin mortar bomb in chun nithlak an kah.
Falam peng khuate pawl ah SAC ralhrang nih mi tlaihkhihnak an tuah caah ahohmanh Falam-Rih le Falam-Hakha karlak ah tlunkal lo ding in CNO nih thawngpang an chuah.
