Tuzaan 7:30 pm ahkhan Ruakhua in COVID mizaw hmasabik asimi cu a nunnak a liam. Cucu Thantlang peng khuate ah COVID in a thi hmasabik dirhmun ah kan phaknak asi.
Zahnak Tlang COVID-19 Runvennak Komiti nih Ruakhua ah tlangrai bantuk a um timi thawngpang kan ngah hnu in naihniam tein a kong kan zawt pin ah zawtnak i check dingin kan thanh ko nain rianṭuantu hna lungning in thil a kal khawh lo caah atu bantukin khamh manh tilo dirhmun kan phaknak asi.
Mithi hi kum 58 asi. Typhoid in a zaw chih mi asi. Typhoid mizaw cung ah COVID nih a phak chih tikah thi tha a la mi Typhoid sii cu a pumsa (immune system) nih a chei tilo i Oxygen level 56 tiang a pha. Oxygen an pek ko nain Oxygen an pek tikah a paw nih a celh lo i atu bantukin thil a cannak asi.
COVID kha tuan tein rak i check kho sehlaw khamh manh hmanh asi ko men lai. Pu Ceu Khar nih COVID ai check ahhin Tlang nih Ruakhua ah avoilinak i check ding thawng kan thanh cang mi a si. Apoi ko. Ngaihchiat tong chungkhar kan ngaihchiat pi hna.
Pathian tu nih hnem ko hna seh. A fapa le a fapa nupi hna zong positive an si caah a nung rih mi le a dam rih mi khua mi zawnruahnak he ralrin le i check ṭhan kan hau hrimhrim ko. Atulio ah ṭih a nung mi cu mit hmuh lo VIRUS asi. Cu nakin ṭih a nung deuh mi cu i CHECK duh lo asi.
A tanglei phung hi Tlang COVID Komiti nih zarhkhat chungah kan chuahpi i chapchih mi Zahnaktlang COVID zulhphung thar asi. Tlangmi chimh ngai usih. Nawlzul usih. Kan tei hrim ko lai. Crd: Lengkawite
