USDP party kong cu tampi chim a hau ti lo. Ralkap nawlngeihnak in thithruai mi party an si. Dictatorship tiah an chim lengmang mi hna party an si ko. Nan duh zong duh lo zongah ralkap thilri khuate pakhat le pakhat karlak ralkap thilri phur peng a si ko. Cun, mah le innzuat ar le ngeih cia facang le chihti kha a lak in an lak lai an duh paoh in an hman lai. A dih bak chim awk an um ti lo.
NLD Party cu thanchonak an ti le an duh deuh mi khuate or pengtlang pakhat kha hawi nak in a let in an thancho ter deuh lai. NLD cu mipi duh ning siloin an mah duh ning in rian a tuan mi an si. Mah duh in rian a tuan mi cu zei tik hman ah thiltha an chuahpi bal lo. An dih cikcek ko.
Independents pawl cu an biachim kan ngai lengmang hna tikah ram le miphun caah rian tuan tu ding ahcun an si kho rih lo. Pakhat nih JCB a cawk lai, Pakhat nih Hakha innhmun a tawlre lai, cun a dang pakhat nih khuate pakht le pakhat karlak lam a rawk mi a rem lai. An dih lak in zei pipa an si ti lo. Nihnin kan ram ramkhel sining an theithiam rih lo.
CNLD party hi uar cu an um bak. Miphun covo lak than ding an i timh. Kan dih lak in thazaang kan pek hna awk zong a si ko. Miphun covo lak than timi hi thil fawi cu a si lo, nain CNLD nih an si khawh chungin an i zuam lai i, an lak than taktak lai. A bik in a tanglei pawl zong 2020-25 chungah tlam an tling ter kho lai.
1. Tlukruannak (Equality)
2. Mahte in khukhan Lairelnak (Self-Determination)
3. A puitlingmi federal phung (Genuine Federal Principles)
4. Tlangcungmi mitlawm u hna i nawlngeihnak (Ethnic Minority Rights)
5. Zaukphung, nuhrin Covo, le pu le pa tlukruannak (Democracy, Human Rights and Gender Equality)
6. Party phuntling chirhchanmi democracy phung (Multi-Party Democracy System)
7. Biaknak ah ai hngat lomi ram (Secular State)
8. Thanchonak (Development) le a dang dang tampi tuah an i timh. CNLD hi thazaang kan pek hna awk hrimhrim an si.
